“ஹாய் பியூட்டிஃபுல்”
டாம் சிநேகமாய் முறுவலிக்க அவளோ அவனது கரத்தில் இருந்த ஒயின் கோப்பையைக் கண்கள் விரிய நோக்கினாள்.
அதைக்கண்டு கொண்டவன் “ஓஹ்! டோண்ட் மிஸ்டேக் மீ… இது ரெட் ஒயின் தான்… எனிவே, இங்க இருந்து தப்பிச்சா போதும்னு இவ்ளோ நேரம் ஃபீல் பண்ணுனல்ல… திஸ் இஸ் த ஹை டைம்… அந்த இடியட் திரும்பி வர்றதுக்குள்ள போயிடு” என்றான்.
அவள் பதில் சொல்லாமல் ‘ஙே’ என விழித்தாள். பின்னர்தான் அந்த இளைஞனை அலெஸாண்ட்ரோ அழைத்துச் சென்றது எதேச்சையாக நடக்கவில்லை என்பதே அவளுக்குப் புரிந்தது.
உடனே கண்களில் நன்றியுணர்ச்சி மின்னலாய் பாய “தேங்க்யூ சோ மச்” என்றவள் பரபரப்புடன் எழுந்தாள். அடுத்த நொடியே ஏமாற்றம் முகத்தில் பரவ நின்றாள்.
டாம் அவளது உடல் மொழியும் முக பாவனையும் சடுதியில் மாறுவதை ரசித்தபடி நின்றவன் “வாட் ஹேப்பண்ட் நவ்?” என்றதும்,
“நான் ஆஸ்டினுக்குப் புதுசு… இப்ப வீட்டுக்குப் போகணும்னா எனக்கு ரவியோட ஹெல்ப் வேணும்” என்றாள் அவள்.
இப்போது புரிந்திருக்குமே அந்த இளம்பெண் வேறு யாருமில்லை ஆர்யாவே தான். ரவியோடு இரவுணவுக்காக அங்கே வந்தவளுக்கு பீர் குடிக்கும்படி அவன் தொந்தரவு கொடுக்க, தன்னால் ஆன மட்டும் அவனைத் தவிர்க்கப் பார்த்தாள்.
திடுமென சர்வ் செய்து கொண்டிருந்த நபர் ரவியிடம் காக்டெய்ல் இலவசம் என்று கூறி அழைத்துச் சென்றதும் நிம்மதி பெருமூச்சு விட்டவளின் முன்னே வந்து நின்ற அமெரிக்கன் ‘பியூட்டிஃபுல்’ என அழைக்கவே, அவளது இதயம் கூட்டிலிருந்து பறக்கத் துடிக்கும் பறவையைப் போல படபடத்தது. அந்தப் படபடப்புக்கு முற்றுப்புள்ளி வைத்தது அவனது கையில் வீற்றிருந்த ஒயின் கோப்பை.
இவனும் ரவியைப் போலதானா என சலித்தவளிடம் அவன் விளக்கம் அளிக்கவும் சமாதானமுற்றாள்.
ரவியிடமிருந்து தற்காலிகமாகத் தப்பித்தாயிற்று. இனி வீட்டுக்கு எப்படி செல்வதெனத் தெரியாமல் திகைத்தவளுக்கு அந்த அமெரிக்கனே உதவிக்கரம் நீட்டினான்.
“எங்க போகணும்னு சொன்னா என் கார்ல டிராப் பண்ணிடுறேன்” என்று தானாக முன்வந்து அவளை வீட்டில் கொண்டு போய் விடுவதாகச் சொன்னான் டாம்.
ரவி மீண்டும் வந்து தொந்தரவு செய்வதற்குள் ஓடிவிடுவோம் என டாமோடு சேர்ந்து ரெஸ்ட்ராண்டை விட்டு வெளியேறினாள் ஆர்யா.
அவன் காரைக் கிளப்பி முன்பக்கக் கதவைத் திறந்துவிடவும் அமர்ந்தவள் “தேங்க்ஸ்” என்றாள் மீண்டும்.
டாம் கண்கள் மின்ன சிரித்தவன் “ஹவ் குட் யூ ட்ரஸ்ட் மீ? ஐ மே பி அ ட்ரங்கர்ட் ஆர் அ கிரிமினல்” என்று சொன்னபடி ஸ்டீயரிங் வீலை வளைத்து காரை ஓட்ட ஆரம்பித்தான்.
அவன் அவ்வாறு சொன்னதும் ஆர்யாவின் கண்களில் மெல்லிய பயம் பரவியது. கிலியோடு டாமை பார்த்தாள் அவள்.
இந்தப் பகுதியைப் படிக்க தளத்தில் ப்ரீமியம் சப்ஸ்கிரிப்சனை வாங்குங்கள். This content is restricted to site members. If you are an existing user, please log in. New users may register below.