அன்பனின் ஆரபி டீசர்

திரும்பியவள் “இன்னைக்கு ஈவ்னிங் என்னை ஆச்சி வீட்டுல விட்டுடுங்க… நாளைக்கு அம்முகுட்டிய ஹாஸ்பிட்டலுக்குக் கூட்டிட்டுப் போகணும்” என்றாள்.

அன்பரசன் நிராசையோடு கைவிரித்தான்.

“அக்கா இருக்குற நிலமைல நீ அவங்க கூட இருந்தா தைரியமா ஃபீல் பண்ணுவாங்க ஆரு”

ஆரபியிடம் விரக்தி முறுவல்! அதே முறுவலோடு நிமிர்ந்து அவனை ஏறிட்டாள்.

“உங்க வீட்டு பொம்பளைங்களுக்குப் பிரச்சனைனு வந்ததும் சர்வமும் பதறுதுல்ல அன்பு… எப்பிடி அவங்க வேதனைய குறைக்கலாம், என்ன செஞ்சு அவங்க பிரச்சனைய சால்வ் பண்ணலாம்னு துடிக்குறிங்கல்ல… நானும் ஒரு பொண்ணு தானே? என்னை நீங்க வார்த்தையால காயப்படுத்துனப்ப நானும் இப்பிடி தானே வேதனைப்பட்டிருப்பேன் அன்பு… அப்ப ஏன் உங்களுக்கு அது உறைக்கவேல்ல? ஒருவேளை புருசன்மாருங்க எல்லாரும் அவங்க குடும்பத்து ஆளுங்களுக்குப் பிரச்சனை வந்தா மட்டும் தான் துடிப்பிங்களோ? பொண்டாட்டிங்கிறவ உங்க குடும்பத்து ஆளுங்க லிஸ்டுல இல்லாதவ… ஏன்னா அவ வேற இரத்தம்ல… ப்ளட் இஸ் திக்கர் தன் வாட்டர், அதானே?”